«Я ў поўнай дупе»: самазанятай налічылі за «камуналку» па кошце для «дармаедаў»

Блогерка Крысціна падзялілася сваёй гісторыяй у TikTok. У відэа дзяўчына расказала, як «патрапіла на грошы», не зважаючы на тое, што аформіла статус самазанятай.

«Летам мяне ўнеслі ў базу дармаедаў. Яшчэ раней у траўні я набыла сабе кватэру. У мяне была нармальная кватэрная плата, адэкватныя кошты. І ў канцы жніўня мне, рабяты, прылятае… Прылятае больш за 500 BYN за аплату гарачай вады» — распавядае Крысціна.

Дзяўчына лічыла, што пасля адной рэгістрацыі яе ўжо бачна ў базе самазанятых, але, як высветлілася, гэтага было не дастаткова. Блогерка дала практычную параду ўсім тым, хто хоча стаць самазанятым у Беларусі і пазбегнуць «дармаедскіх коштаў» на «камуналку»: «Трэба разбірацца з аплатай камунальных паслуг. Хачу папярэдзіць усіх, хто пераходзіць на працу на сябе: спачатку трэба страціць падатковы вылік, а потым трэба аплаціць падатак. І толькі пасля ўсяго ты можаш лічыцца самазанятай».

@kristina.klimenka Теперь я должна переплатить за воду ~ 500 BYN вместо 100, в 8 раз для тунеядцев с жильем подняли оплату коммуналки❤️ Если кто-то оформляет самозанятость, будьте внимательны, откажитесь от налогового вычета в 2000 BYN, уплатите налог и только тогда вы считаетесь самозанятыми в экономике страны! Такая вот ЖОПА в Беларуси! Все для народа:) люблю 😻 #налоги #самозанятость #блогинг #работанасебя #ведениетикток ♬ оригинальный звук — kristina | про блогинг

Па словах Крысціны, пасля гэтай гісторыі ў яе моцна пагоршыўся стан: «Як апынулася, я «ўліпла» па-поўнаму. Я ў поўнай дупе, і нават не ўяўляю, як адсюль выбрацца. Па-гэтаму я не магу нічога здымаць. У мяне апускаюцца рукі. Нават агулам не хочацца выходзіць у блог». Аўтарка відэа адзначае, што важны крок у такой сітуацыі — паход у падатковую.

Як пазбегнуць дармаедскіх коштаў на «камуналку»?

Калі ў вас ёсць уласнае жыллё, але вы не назбіралі афіцыйны даход не менш за 2000 базавых велічынь, вас могуць палічыць «дармаедам» (не занятым у эканоміцы). У такім выпадку прыйдзецца плаціць 100% камунальных паслуг (КВ-плата) без ільгот.

Гэта звязана з тым, што людзі без афіцыйнай працы лічацца не занятымі ў эканоміцы, і да іх могуць прымяняцца дадатковыя меры з боку падатковых органаў, у тым ліку штрафы і павышаныя плацяжы, нават калі ў кватэры пражываюць іншыя людзі. Гэтыя правілы рэгулююцца дэкрэтам №1 «Аб садзейнічанні занятасці насельніцтва» і ўрадавымі пастановамі па аплаце камунальных паслуг ад 2018 года.

Каб пазбегнуць павышаных тарыфаў на камунальныя паслугі ў Беларусі ў 2025 годзе, трэба афіцыйна быць занятым у эканоміцы. У выпадку аўтаркі відэа – можна, напрыклад, зарэгістравацца як самазаняты. Самазанятыя, прадастаўляючы афіцыйныя дадзеныя аб сваёй дзейнасці і аплачваючы падатак на прафесійны даход, пазбягаюць гэтай катэгорыі і могуць карыстацца зніжкамі на камунальныя паслугі, як і ўладкаваныя ў найме грамадзяне.

Аднак для таго, каб лічыцца самазанятым, недастаткова зарэгістравацца праз праграму «Прафдаход». Трэба адмовіцца ад падатковага вылику ў 2000 BYN (гэта значыць, пачаць плаціць падатак з першага заробленага рубля). І самае важнае – уплаціць падатак на прафесійны даход у памеры 10% ад атрыманага даходу (пры даходзе больш за 60 000 BYN за год стаўка павышаецца да 20%).

Чытайце таксама: «Беспрацоўных тэрарызуюць!» Беларуска распавяла пра новыя пагрозы ўладаў

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро