«Чаму не зрабіць іх раз і назаўжды нармальна?» Жыхары Віцебска незадаволеныя пераездамі праз трамвайныя рэйкі

У Віцебску абмяркоўваюць стан пераездаў праз трамвайныя рэйкі. Нагодай стаў пост мясцовага жыхара, які паскардзіўся на праезды на плошчы Перамогі, вуліцы Цітова, Маскоўскім праспекце і іншых участках горада. На яго думку, многія пераезды зробленыя настолькі нязручна, што кіроўцам даводзіцца практычна спыняцца перад імі.

Чытайце таксама: «Ох ужо гэты ЖЭУ-5». Віцебскія камунальнікі так і не вырашылі праблему затопленага падвала ў новабудоўлі

Праблема існуе даўно і тычыцца практычна ўсіх трамвайных пераездаў Вiцебска

Аўтар публікацыі звярнуў увагу на пераезд на плошчы Перамогі. Паводле яго словаў, раней там былі гумовыя пліты, а зараз усталяваныя бетонныя. Ён далучыў фота і патлумачыў сваю пазіцыю: «На фота на плошчы Перамогі раней былі гумовыя пліты, зараз бетонныя, прычым крыва-коса. Чаму не зрабіць іх раз і назаўжды нармальна?»

Гледзячы па каментарах, праблема апынулася знаёмая многім аўтамабілістам. Некаторыя карыстальнікі сацсетак падтрымалі аўтара без агаворак:

• «З аўтарам допiса я цалкам згодны! Таксама пра гэта задумваўся».
• «Няўжо нехта гэта таксама заўважыў».
• «Дзе ёсць хоць адзін нармальны пераезд? Дайце адрас, пакайфаваць».

Іншыя карыстальнікі лічаць, што праблема існуе даўно і тычыцца практычна ўсіх трамвайных пераездаў горада:

• «Гэта не пераезды, а велізарныя бардзюры».
• «Часта даводзіцца ездзіць у Віцебск. Для мяне гэтыя трамвайныя рэйкі — сапраўднае пекла».
• «Згодны. Трамвайных пераездаў горшых, чым у нас, не сустракаў нідзе».

Частка абмеркавання чакана перайшла да параўнання з Менскам:

• «Спыталі б, як у Менску робяць. Чаму там няма такой праблемы?»
• «Не могуць зрабіць нараўне і плаўна, як у Менску. Там пераезд нават не адчуваецца, а ў нас гэта проста кашмар».

Некаторыя згадвалі і гісторыю рэканструкцый: «Згодны. Толькі раней былі гумовыя пліты, але ў дождж яны былі вельмі слізкімі. Потым іх памянялі, і нехта прыняў такі брак у мантажы, нехта падпісаў акт прыёмкі. А кіроўца цяпер пакутуй».

Асобныя каментатары ўбачылі праблему шырэй, чым проста трамвайныя пуцi:

• «Гэта наша візітоўка. Віцебск — горад для пешаходаў».
• «Па дарогах у Віцебску бяда. Падобна, бюджэту ў горада зусім няма».

В сети каждый ваш клик оставляет след, который могут использовать против вас. Не позволяйте превращать ваши интересы в уголовные дела. Включайте BGlobal VPN — будьте невидимы для посторонних глаз.

Ссылка на подключение BGlobal VPN – здесь 

Чытайце таксама: «На машыне вісіць картонка, там напісана». Жыхары Віцебска распавялі, чаму стаяць у вялізнай чарзе за яйкамі

Яшчэ ў 2016 годзе тлумачылi, што новае пакрыццё дапамагае захоўваць аўтамабільны транспарт

Цікава, што цяперашнія прэтэнзіі гучаць амаль праз дзесяць гадоў пасля маштабнай замены пакрыцця на шэрагу пераездаў. Яшчэ ў 2016 годзе газета «Віцьбічы» паведамляла, што ў Віцебску актыўна мяняюць асфальтавае пакрыццё на бетонныя пліты. Тады галоўны інжынер трамвайна-тралейбуснага ўпраўлення Дзмітрый Палякоў тлумачыў, што новае пакрыццё больш даўгавечнае, забяспечвае бяспеку руху і дапамагае захоўваць аўтамабільны транспарт.

У лік абноўленых тады аб’ектаў увайшлі пераезды на вуліцы Цітова, каля разваротнага кальца на праспекце Фрунзэ і іншых участках горада — то-бок акурат у тых раёнах, на якія сёння скардзяцца кіроўцы.

Гледзячы па цяперашніх каментарах, заяўленая дзесяць гадоў таму «захаванасць аўтамабільнага транспарту» для многіх віцебчукоў застаецца спрэчным аргументам. Ва ўсякім разе, у каментарах значна часцей сустракаюцца словы «бардзюры», «пекла» і «кашмар», чым падзякі за даўгавечнае пакрыццё.

Чытайце таксама: Пасля сітуацыі на вуліцы Герцэна віцебскія чыноўнікі загадзя папярэджваюць аб высечцы дрэў і кампенсацыйных пасадках

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро